CSSA rekenaar-olimpiade 2009

Eerste rondte: (Donderdag, 23 April 2009)

• Junior: Grade 8 & 9 (groep 1)
• Senior: Grade 10, 11 & 12 (groep 2)

Die eerste rondte word nie op rekenaars gedoen nie. Die vraestel bestaan uit algemene kennis vrae oor IKT en pen-en-papier programmeringstake.

Die vraestelle word by die skool gemerk en die Top 3 posisies in elke groep ontvang sertifikate.

Tweede rondte: (Vrydag, 22 Mei 2009)

Deelname is slegs vir diegene wat deelgeneem het aan die eerste rondte. Die vraestel bestaan uit 'n aantal programmeringstake wat binne 2 ure op 'n rekenaar afgehandel moet word.

Deelnemers mag enige programmeringstaal gebruik wat algemeen aanvaar word as 'n programmeringstaal, soos bv. C/C++, Java, Pascal, Python en Delphi.

Finale rondte: (26-27 September)

Die finale rondte sal per uitnodiging plaasvind in Kaapstad.

Pryse in die finale rondte:

• 1^ste prys: Goue medalje, 'n sertifikaat en R6,000;
• 2^de en 3^de prys: Silwer medalje, 'n sertifikaat en R4,000;
• 4^de, 5^de en 6^de prys: Brons medalje, 'n sertifikaat en R2,000.

Indien 'n HSS leerder enigeen van bogenoemde pryse inpalm, ontvang die skool ook rekenaar hardeware en -sagteware.

Die toppresteerders in die finale rondte van die CSSA rekenaar-olimpiade staan ook die kans om verdere opleiding by die Universiteit van Kaapstad te ontvang. 'n Span van vier sal gekies word om Suid-Afrika in die IOI 2010 in Kanada te verteenwoordig.

Besoek gerus www.olympiad.org.za vir verdere inligting.

Belangstellendes moet hulle naam by juffrou Pienaar voor of op 24 Februarie 2009 inhandig!