VEILIGHEIDSMAATREëLS

 

In die Nasionale Onderwysdepartement se Korporatiewe Plan vir 2000 tot 2004 handel projek 6 van Program 2 oor Skoolveiligheid. Dit is goed dat skoolveiligheid op so 'n hoe vlak aangespreek word want die veiligheid van ons kinders is 'n saak van Groot belang. Die Departement van Onderwys vereis dat sy skoolveiligheidsbeleid deur 'n stelsel van voorsorg- en veiligheidsmaatreëls implementeer moet word.

 

Ons kinders is vir ons kosbaar. Ons kinders is in u (die opvoeder) se hande. Die prinsipaal en opvoeders het 'n besondere plig sover dit leerlingveiligheid betref aangesien hulle in die plek van die ouer optree.

 

Onnodige beserings deur leerders en nalatigheid aan die kant van opvoeders moet voorkom word deur voorsorg- en veiligheidsmaatreëls op te stel en streng toe te pas. Dit is dan ons beskeie mening dat die inligting in hierdie gids u sal help om juis dit te vermag.

 

'n Woord oor hoe u die Skoolveiligheidsgids optimaal kan benut: Hierdie dokument kom in los formaat. Handel  as  volg daarmee.

 

(a)       Neem die heie Noodplan gedeelte (Deel H) en maak genoeg afskrifte     van elke bladsy vir die volgende paar jaar.

(b)       Bind dan die hele dokument (A - H). Nou het u ‘n volledige            Veiligheidsgids sowel as 'n aparte Noodplan.

(c)       Voltooi die C-deel van die Noodplan. Maak afskrifte vir elke rolspeler en             bind dit.

(d)       Volgende jaar en die jare daarna kan u gebruik maak van die ekstra        afskrifte wat u gemaak het aangesien die rolspelers van tyd tot tyd      verander omrede senior leerders (wat gewoonweg op die spanne dien)           asook opvoeders die skool van tyd tot tyd verlaat.