HOëRSKOOL STELLENBOSCH IS ‘N AFRIKAANS MEDIUM SKOOL IN STELLENBOSCH WAT STREWE OM:

 

 

*             CHRISTELIKE NORME EN WAARDES UIT TE BOU

 

 

*             DIE HOOGSTE AKADEMIESE STANDAARDE TE HANDHAAF IN ‘N VRIENDELIKE EN STIMULE-RENDE OMGEWING.

 

 

*             LEERLINGE TOT VERANTWOORDELIKE BURGERSKAP EN GESONDE MENSEVERHOU-DINGE TE BEGELEI

 

 

*             ELKE LEERLING AS INDIVIDU TE REKEN EN TE MOTIVEER TOT DIE ONTWIKKELING VAN SY/HAAR VOLLE POTENSIAAL

 

 

*             DIE GEBALANSEERDE ONTWIKKELING VAN LEERLINGE TE VERSEKER DEUR DEELNAME AAN ‘N VERSKEIDENHEID SPORT- EN KULTURELE AKTIWITEITE

 

 

*             IN VENNOOTSKAP MET OUERS SAAM TE WERK IN BELANG VAN ONS SKOOL

 

2            ETOS

              As Beheerliggaam, ouers, personeel en leerders aanvaar ons die volgende:

 

2.1         Hoërskool Stellenbosch is gefundeer in christelike beginsels en dat dit van elkeen verwag word om dit uit te leef.  die oppergesag en almag van God Drie-enig word erken.  Geloofsvryheid word ook erken.

 

2.2         Die gesin is dié primêre opvoedingsbasis van elke leerder.  Daar word van ons leerders verwag om volwasse persone se gesag te erken en dit ook te aanvaar.  Volwassenes sal poog en daarna streef om elke leerder met liefde geduld en begrip te lei en te ondersteun.

 

2.3         Die belange van die skool word bo eie belange en behoeftes gestel.  Daarom sal gepoog word om te alle tye, deur ons gedrag, optrede, taal en denke die mooi naam van die skool uit te dra, te bevorder en gestand te doen.

 

2.4         Die beginsel van vreedsame naasbestaan word erken.  Leerders en opvoeders is in ‘n vennootskap betrokke en daarom moet daar deurentyd gebou word aan wedersydse positiewe gesindhede.

 

2.5         Hoë standaarde is ononderhandelbaar en moet behou en steeds verder verhoog word om sodoende te voldoen aan die behoeftes van die tyd.  ‘n Positiewe en gesonde leerkultuur is dus van deurslaggewende belang.

 

2.6         Die beginsel van gebalanseerdheid word onderskryf en daarom streef elkeen daarna om dit uit te leef deur op ‘n verskeidenheid van terreine, binne bepaalde vermoëns en beperkings, betrokke te raak en ‘n bydrae te lewer.